မန္တလေး အပိုင်းအစများ "အိုးပုတ်ပွဲတော်" ( ရေးသူ - ယဉ်ယဉ်နှောင်း )

Posted on - Aug 25 []

Kyaw Lin Aung

စာရေးသူ
Xy4rgivukr4ppeuquywf

ဆိုင်းသံ၊ ဗုံသံတို့ တိတ်ဆိတ်သော ၀ါတွင်း ကာလသည် ၀ါခေါင် လရောက်လျှင်တော့ တောင်ပြုံးပွဲနှင့် အတူ နိုးကြွလာ တတ်သည်။ ၀ါခေါင်လ ၀င်သည်နှင့် မန္တလေး တစ်ဝိုက်ဒေသ များသည် နတ်ဒိုးသံနှင့် အတူ လှုပ်လှုပ်ရှားရှား ဖြစ်လာပြီ။ ဆယ့်နှစ်ပွဲ ဈေးသည်တို့ ဈေးရောင်း ထွက်ဖို့ပြင်ကြပြီ။ နတ် ကိုးကွယ် ယုံကြည်သူ အိမ်ထောင်စု တို့လည်း နတ်ပွဲ ဆက်သကြရန် တောင်ပြုံးပွဲ သွားဖို့ ပြင်ဆင်ကြပြီ။ တစ်အိမ်သားလုံး လှုပ်လှုပ် ရှားရှားဖြစ်သော ကာလတွင် ကလေးငယ် များတို့အတွက်လည်း မြူးကြွစရာ ပွဲတစ်ခု ရှိပါသေးသည်။ ထိုပွဲကား မန္တလေး တောင်ခြေ၊ အိုးဘိုရပ်ရှိ အိုးပုတ် ပွဲတော်ပင်ဖြစ်သည်။

အိုးပုတ် ပွဲတော်သည် တောင်ပြုံးပွဲကြောင့် ဖြစ်ပေါ်လာရသော ပွဲဟုဆိုလျှင် မှားမည်မထင်ပါ။ မင်းတုန်းမင်း လက်ထက် ကတည်းတွင် တောင်ပြုံးပွဲသို့ သွားရောက် ပူဇော် ပသကြသော လှေများ သည် ရွှေတချောင်းမြောင်း အတိုင်း တောင်ပြုံး အရပ်သို့ ချီတက်ကြသည်။ တောင်ပြုံးပွဲ တွင် ရောင်းချ ရန် ရေလမ်း အတိုင်းလာသော အိုးသည် များသည် ယခု မန္တလေးတောင်ခြေ အိုးဘို အရပ် တွင် လှေများ ကမ်းကပ်ကာ ခေတ္တ နားရင်း ဈေး ခင်းရောင်း ကြသည်။ ဤသို့ဖြင့် တောင်ပြုံးပွဲ မတိုင်ခင် တစ်ရက်တွင် အိုးပုတ် ပွဲတော်ဖြစ်လာသည် ဟုဆိုကြသည်။ အိုးဘို ဟူသော နာမည်သည်လည်း အိုးများ လုပ်ကိုင်ရာ အိုးဖိုများ တည်ရှိသောကြောင့် အိုးဖိုကို အစွဲပြု၍ အိုးဘိုရပ် ဟူသော အမည် ဖြစ်လာခြင်းဖြစ်သည်။

ရှေးယခင်က ဈေးသည်များ သွားလာရာ ရွှေတချောင်း မြောင်းလေးကတော့ ယခုအခါ ဘုရားစူး ရေဆိုးမြောင်း တစ်ခုအဖြစ်သာ ကျန်ခဲ့လေပြီ။ အိုးပုတ် ပွဲသို့ သွားလိုလျှင်တော့ မန္တလေးမြောက်ပြင်ရပ် မှ ၇၆ လမ်း အတိုင်း စည်သာလမ်းထိပ် အထိလာလျှင်သော် လည်းကောင်း၊ ၈၆လမ်း ရွှေ တချောင်းမြောင်း အတိုင်း မြောက်ဘက်သို့လာလျှင်သော် လည်းကောင်း ရနိုင်သည်။

အိုးပုတ် ပွဲတော်သည် နှစ်စဉ် ၀ါခေါင်လဆန်း (၈)ရက်တိုင်းတွင် ကျင်းပပြုလုပ်လေ့ ရှိသည်။ ပွဲခင်း ကတော့ ၀ါခေါင်လဆန်း (၅) ရက်နေ့လောက် ဆိုလျှင် စတတ်ပြီ။ အိုးပုတ်ပွဲ ကျင်းပရန် ဦးဆောင်သူ မရှိသော်လည်း ထိုနေ့ ထိုရက်ရောက်ခါနီး လာလျှင်တော့ စည်သာလမ်းထိပ် ၊ အိုးဘိုရပ်တွင် အိုးပုတ်ဈေး တန်းလေး အလိုလို ဖြစ်တည်လာတတ်သည်။

အိုးပုတ်ပွဲ ကျင်းပရာ စည်သာ လမ်းထိပ်က အိမ်ရှင်များသည် မိမိ အိမ်ရှေ့တွင် ဈေးတန်း ခင်းနိုင်ရန် နေရာ ငှားပေးကြ၊ လိုအပ်သည့် ရေ၊မီး အကူ အ ညီပေးကြရင်း အိုးပုတ် ပွဲလေးဖြစ်မြောက်အောင် ပံ့ပိုးတတ်ကြသည်။ တချို့ကလည်း အိုးပုတ် များကို တဆင့် ၀ယ်ယူပြီး မိမိအိမ်ရှေ့မှာ ပင် ရောင်းချ တတ်ကြသည်။

အိုးပုတ်ပွဲသို့ လာရောက် ရောင်းချသော ဈေးသည် များကလည်း နေရာဒေသ အစုံပင်။ ရွှေဘို -နွယ်ငြိမ်းဘက်က အိုးသည်လည်း ပါသည်။ မတ္တရာ ဘက် က ခေါပြင်သည် လည်းပါသည်။ မန္တလေးဇာတိ မုန့်သည်များလည်း ပါသည်။ အိုးပုတ်ပွဲ ရောက်လျှင်တော့ အားလုံးသည် လမ်းဘေးတွင် တစ်သား တည်းဖြစ်သွားတတ်သည်။

မွန်းလွဲ နှစ်နာရီ ဆိုလျှင် အိုးပုတ်ပွဲလေး စတင်စည်ကားလေပြီ။ နေပူသည် ဖြစ်စေ၊ မိုးရွာသည် ဖြစ်စေ အိုးပုတ် ပွဲလေးသည် ကလေးများ တရုန်း ရုန်းနှင့် ပျော်စရာ ပွဲတော်ကြီးပင်။ လမ်းဘေးဝဲယာ ဘယ်နေရာ ကြည့်ကြည့် ရောင်စုံ အိုးပုတ်ချိုးရုပ်သည် လေးများ၊ မြန်မာ့ရိုးရာ မုန့်ပဲသရေစာ သည်များ ကိုတွေ့နိုင်သည်။

မိခင်၊ ဖခင် အုပ်ထိန်းသူ များ၏ လက်ကိုဆွဲလျက် ပွဲဈေးတန်း ပတ်နေကြသော ကလေးများ အဖို့လည်း မြင်မြင်သမျှ လိုချင်စရာ၊ ပူဆာချင် စရာ ကြီးဖြစ် သည်။ မြေနီရောင် အိုးပုတ် ရဲရဲလေးများ၊ အရောင်စုံ အိုးပုတ်လေးများ၊ ဗန္ဓုလ ဦးထုပ်နှင့် ဓားများသည် ကလေးများ အဖို့ မက်စက် စရာ မြန်မာ့ရိုးရာ ကစား စရာလေးများဖြစ်သည်။ အိုးပုတ်လေးများ ဆိုလျှင် မီးဖိုချောင် သုံးအိုးခွက် များအတိုင်း ပုံစံတူ အသေးစားလေးများ ၊ မြေဒယ်အိုး ၊ မြေမီးဖို ၊ မြေအင် တုံ ပေါက်စလေးများ၊ ပစ်တိုင်းထောင် စုဘူးလေးများ၊ အသီးအနှံ၊ တိရစ္ဆာန် ပုံစံတူလေးများ စသဖြင့် အရောင်စုံ၊ အရွယ်အစားစုံ အမျိုးမျိုး ရှိကြသည်။

တစ်မူး၊ တစ်ပဲခေတ် မှစ ရောင်းချခဲ့သော အိုးပုတ်လေး များသည် ယခုအခါတွင် တော့ တစ်ခုကို တစ်ရာ၊ ငါးရာဖိုးခြောက် ခုဖြစ်နေလေပြီ။ ရောင်း ချသော ဈေးသည် များကလည်း သူတို့၏ ဖောက်သည်တော် ကလေးမင်း များကို အလိုလိုက်၍ ဈေးလျှော့ရောင်းပေးတတ်ကြသည်။ အပိုတစ်ခု ၊နှစ်ခု နှိုက်ယူ သွားလျှင်လည်း စိတ်မဆိုးတတ်ကြဘဲ ကြည်ကြည်ဖြူဖြူ ပေးတတ်ကြသည်။ ထို့ကြောင့် အိုးပုတ် ပွဲတော်ကို အိုးပုတ်ခိုးပွဲ ဟုပင် ခေါ် တတ် ကြခြင်းဖြစ်သည်။

အိုးပုတ်ပွဲ သို့လာရောက် ရောင်းချသော ဈေးသည် များကလည်း အိုးပုတ်ပွဲတွင် အိုးပုတ် ခိုးခံရမည့် အကြောင်းကို တွက်ဆပြီးမှ မိမိအမြတ် ကျန်လောက်သည့် ပမာဏဖြင့် ချရောင်းတတ်ကြသည်။ အိုးများ ထွက်ရှိရာ ရွှေဘို-နွယ်ငြိမ်း ဘက်မှ တဆင့် ပြန်လည် ၀ယ်ယူပြီး ရောင်းချ ကြသည် မို့ ရောင်းချသည့် အိုးပုတ်လေး များတွင် ဈေးက တစ်ခါတည်းတွက်ပြီး တင်ထားပြီး ဖြစ်သည်။ ထို့ကြောင့် အိုးပုတ် တစ်လုံးစ ၊နှစ်လုံးစ ပါသွားလျှင်လည်း စိတ် မဆိုးတတ်ကြ။

တစ်လုံးမှ မ၀ယ်ဘဲ တစ်ပွေ့ကြီး လာနှိုက်ယူလျှင်တော့ ဈေးသည်ကြီး တို့ စိတ်ဆိုးကြပြီ။ “ဟဲ့ ကလေးတွေ…အိုးပုတ်ပြန်ပေး” ဟု မာန်မဲကြပြီ။ အိုးပုတ် ခိုးသူကလည်း စီးပွားပျက်လောက်အောင် ထိ ခိုးခြင်း မဟုတ်သလို အိုးပုတ်ပြန်တောင်းသူ ကလည်း သူခိုးယိုးပြီး ပြန်တောင်းခြင်း မဟုတ်သည်က အိုးပုတ်ပွဲ ၏ ချစ်စရာ ဓလေ့ကလေးတစ်ခုဖြစ်သည်။

အိုးပုတ်ခိုးသူ ကလေးများက အိုးပုတ်သည်ကို ကြည့်ပြီး ခိုးတတ်ကြသည်လည်း ရှိသေးသည်။ ဈေးဆစ်၍ မရသော၊ စွာသော ဈေးသည် ဆိုလျှင် လက်တည့် စမ်းပြီး အိုးပုတ်နှိုက်ယူ ချင်ကြသလောက် အသက်ကြီးကြီး ဈေးသည် များကိုတော့ အိုးပုတ်ခိုးဖို့ လက်ရှောင် တတ်ကြသည်။

“ကလေးတွေက အမေကြီး ဆိုင်ဆိုရင်တော့ လာမခိုးဘူး၊ အမေကြီးက အသက်ကြီးလို့ မျက်စိကောင်းကောင်း မမြင်ရဘူး ဆိုပေမယ့် သူတို့က အလစ် မသုတ်ကြဘူး။ အမေကြီးကို သနားတာလည်း ပါမှာပေါ့။ အမေကြီး ဒီမှာရောင်းလာတာ ၆နှစ်ရှိပြီ ။ အိုးပုတ်ပွဲနေ့ ရောက်ရင်တော့ ချရောင်းသမျှ အကုန် ကုန်တာပဲ” ဟု အိုးပုတ်သည် အသက် ၇၀ကျော် အမေကြီးကဆိုလေသည်။

ရှားပါးလာပြီဖြစ်သည့် မြန်မာ့ရိုးရာ ဗန္ဓုလဦးထုပ်နှင့် ဓားများကိုလည်း အိုးပုတ် ပွဲတော်တွင် မြင်နိုင်သေးသည်။ နီ၊၀ါ၊စိမ်းရောင်စုံ ဗန္ဓုလဓားနှင့် ဦးထုပ် များကို အိုးပုတ် ပွဲတော်တွင် ရောင်းချရန် ဈေးသည် များသည် ၂လကျော်၊ ၃လလောက် ကတည်းက ကြိုတင်ပြင်ဆင်ရသည်။ ဓားရိုး၊ ဓားသွား၊ ဓားအိမ် လုပ်ဖို့ ၀ါးများရှာဖွေ ၀ယ်ယူထားရသည်။ ဦးထုပ်ပုံလောင်းဖို့ သတင်းစာ စက္ကူများကို ပုလင်းဝင်းရပ် စက္ကူ အဟောင်းဆိုင် များမှ ၀ယ်ယူထားရသည်။

ပြင်ဆင်ပုံသွင်း ၊ဆေးရောင်စုံ ခြယ်သပြီးလျှင်တော့ အိုးပုတ်ပွဲတော် လာ ကလေးများ၏ ခေါင်းပေါ်တွင် ဆောင်းစရာ ဗန္ဓုလ ဦးထုပ်၊ လက်ထဲတွင် ကိုင်ဆောင် စရာ ဗန္ဓုလ ဓားဖြစ်လာပြီ။ ထိုဗန္ဓုလ ဓားနှင့် ဦးထုပ်လေး များသည် မြန်မာမှု ၊မြန်မာဟန် လက်မှုပညာ အငွေ့အသက် များသာမက ဇာတိ မာန် များပါ ၀င့်ကြွားနေသယောင် ထင်ရသည်။

အိုးပုတ် ပွဲတော်တွင် ထူးခြားသော ဓလေ့တစ်ခုလည်း ရှိသေးသည်။ ယင်းမှာ အိုးပုတ်ပွဲတော် လာ အပျိုလေးများ ၏ ခေါင်းပေါ် တွင် ကျောက်ခတ်ပန်း ဟု ခေါ်သော သစ်ခက်စိမ်းလေး များကို ပန်းသရဖူ သဖွယ် ခွေပြီး ပန်ဆင်ထားကြ ခြင်းဖြစ်သည်။ ထိုဓလေ့သည် မည်သည့် အချိန်က စခဲ့သည်ကို မသိ ရသော်လည်း အိုးပုတ် ပွဲတော်တွင်သာ တွေ့မြင်ရသည့် ချစ်စရာ မြင်ကွင်းလေး တစ်ခုဖြစ်သည်။

မုန့်ရေပါး၊ မုန့်ဆီကြော်၊ မုန့်လင်မယား၊ မုန့်သိုင်းခြုံ၊ မုန့်ပေါင်း စသော မြန်မာ မုန့်မျိုးစုံကိုလည်း အိုးပုတ် ဈေးတန်းလေးတွင် ၀ယ်စားနိုင်သေးသည်။ အိုးပုတ် ပွဲတော်တွင် ထူးထူးခြားခြား ရနိုင်သော မြန်မာမုန့် တစ်မျိုးလည်း ရှိသေးသည်။ ထိုအရာမှာ မုန့်ခေါပြင်ဖြစ်သည်။ ကောက်ညင်းဆန်မှုန့်၊ ငချိတ် ကောက်ညင်းမှုန့် တို့ဖြင့် စီးပိုင်နေအောင် ပြုလုပ်ထားသော မုန့်ခေါပြင်လေး များသည် ငှက်ပျောရွက် ထဲတွင် ပဲဆီရွှဲရွှဲ၊ အုန်းသီးခြစ် ၊နှမ်းထောင်း တို့ဖြင့် စားချင်စဖွယ် ကောင်းလှသည်။

ဝယ်စားမည် ဟု ဆုံးဖြတ်ပြီး ခေါပြင်သည်လေး များ၏ ဈေးတောင်းရှေ့ ခြေစုံ ရပ်လိုက်သည်နှင့် မြည်းကြည့်ပါဦး ဟု ဆီလေးတို့၊ အုန်း သီး နှမ်းထောင်းလေးဖြူးပြီး ငှက်ပျောဖက်ထဲမှာ တစ်ခါတည်း ပြင်ပေးတတ်သည်။ ခေါပြင် အရသာ ကတော့ ဟိုအသည်က သာနိုး၊ ဒီအသည်က သာနိုး ဟူ၍မရှိတတ်။ ခေါပြင်သည် အားလုံး မတ္တရာဘက်မှ လာရောင်းကြသည့် တစ်ရွာတည်းသူတွေ မို့ အရသာက တူတူပင်။ ကွာမည့် ကွာ ခေါပြင် ပိုပိုသာသာ ထည့်ပေးတတ်တာခြင်းသာ ကွာတတ်သည်မို့ ပိုထည့်ပေးတတ်သော ခေါပြင်သည်က ပိုရောင်းကောင်းတတ်သည်။ အိုးပုတ်ပွဲတော် လာ သူများသည် မုန့်ခေါပြင်ကို မဖြစ်မနေ ၀ယ်စားတတ်ကြသည်မို့ အိုးပုတ်ပွဲနေ့ ဆိုလျှင် ခေါပြင်သည် တိုင်း ခေါပြင် ၆ချပ်၊ ၇ချပ်လောက် ကုန် တတ်လေ သည်။

အိုးပုတ် ပွဲတော်တွင် ချစ်စရာဓလေ့လေး တစ်ခုရှိသေးသည်။ လည်ပတ်ရင်း ဗိုက်ဆာလာလျှင် မိမိဆွေမျိုးရှိရှိ မရှိရှိ ၊ အိမ်ရှင်များနှင့် ရင်းနှီးနှီး မနှီးနှီး အိုးပုတ် ပွဲဈေးခင်းရာ လမ်းတစ်လျှောက်ရှိ အိမ်များမှ မုန့်ဖိတ်ကျွေး လာလျှင် ၀င်စားနိုင်ခြင်းဖြစ်သည်။ ကျွေးကြသော မုန့်များကလည်း အစုံပင်။ မုန့်ဟင်းခါး၊ ကြာဇံဟင်းခါး၊ ငှက်ပျောပေါင်း၊ ဆနွင်းမကင်း၊ ကျောက်ကျော၊ ပူတင်း စသဖြင့် တစ်အိမ်နှင့်တစ်အိမ်မထပ်ရအောင် အမျိုးမျိုး ချက်ပြုတ် စီမံထားတတ်ကြပြီး လမ်းသွားလမ်းလာများကို ချိုသာရွှင်ပြုံးစွာ ဧည့်ခံကျွေးမွေးလေ့ရှိကြသည်။

ညနေစောင်းလာလျှင်တော့ အိုးပုတ်ပွဲလေး ပိုမိုစည်ကား လာတတ်သည်။ ဇာတ်ပွဲများမပါဘဲ ကြိတ်ကြိတ် တိုးစည်ကားခြင်းမှာလည်း အိုးပုတ်ပွဲ၏ ထူးခြားမှု တစ်ခုဖြစ်သည်။ အချိန် ကာလာရွေ့လျောလာသည်နှင့်အမျှ အိုးပုတ်ပွဲ၏ အခင်းအကျင်းလေး သည်လည်း ခေတ်ဆန် လာလေပြီ။ တရုတ်မှ လာသည့် ပလတ်စတစ် ကလေး ကစားစရာ ကျည်ဆန်သေနတ်များ၊ ပျော့ပျော့အိအိ ကစားကွင်းဟူသော လေထိုး ရုပ်ကြီးများ၊ အနောက်တိုင်း တီးလုံးများ ဖွင့်ထားသည့် ပင်လယ်ဓားပြလှေ ဟူသော ဒါန်းလွှဲကြီးများနှင့် ခြားရဟတ်များ၊ ရေစိုခံ စတစ်ကာ တက်တူးများက မြန်မာ့ရိုးရာ အိုးပုတ်ပွဲလေး တွင် နေရာ ယူလာကြသည်။

ရိုးရာ အိုးပုတ်လေးများ ကိုယ်တိုင်ကလည်း ရှေးယခင်လို မြေနီရဲရဲ အရောင်သာမက ကလေးများ အကြိုက် ဖြူ၊နီ ၊၀ါ၊ပြာ အရောင်စုံ ဖြစ်လာသည်။ ကလေး သဘာဝ ခေတ်မီ ကစားစရာများ မက်မောသည့် စိတ်ကို အိုးပုတ်လေး များက ခေတ်အကြိုက် လိုက်ပြီး ဖြည့်တင်းရန် ကြိုးစားနေရသည်။ ဖုန်း၊ ကွန်ပြူတာ ဂိမ်းများ ခေတ်စားလာသော ၂၁ရာစုတွင် ကလေးသဘာဝ အချင်းချင်း အေးအေးချမ်းချမ်း ပျော်ပျော်ရွှင်ရွှင် ကစားနိုင်သည့် အိုးပုတ် ကစားနည်းလေး များ တိမ်မြှုပ် စပြုလာပြီး အိုးပုတ်လေး များကို မက်မောသော ကလေးများ ရှားလာလေပြီ။

အိုးပုတ်လေး များကတော့ အိုးပုတ် ပွဲတော်ရောက်တိုင်း ကလေးများကို မျှော်နေမှာ သေချာသည်။ ကလေး ရှိလျှင် အိုးပုတ် ရှိမည်၊ အိုးပုတ် ရှိလျှင် အိုးပုတ် ပွဲတော် ရှိမည်။ အိုးပုတ်ပွဲတော် နောင်နှစ်ပေါင်း များစွာ ကျင်းပနိုင်ဖို့မျှော်လင့်မိသည်။ အသက် ကြီးလာသည့် အခါ အိုးပုတ် ပွဲတော် လည်ပတ်လေတိုင်း၊ အိုးပုတ်လေး များကို မြင်လေတိုင်း ငယ်စဉ်ကလေး ဘ၀ ဖြူစင်ရိုးသားစွာ ဆော့ကစားခဲ့ရသည့် အမှတ်တရများ စားမြှုံ့ပြန်ရသည့် ပျော်ရွှင်မှုကို အခုခေတ် ကလေး များ ရစေချင်စမ်း ပါသေးသည်။

ယဉ်ယဉ်နှောင်း

Zobcsf9qg7dc49r92xg9

A8eildefx60b2c2fm6gx

Nxdbhn87umbfzjxc3snf

Contents on Momolay.com are copyrighted and are not allowed to appear on any other websites or Facebook pages. Please respect our copyrights.

မိုမိုလေးမှရေးသားသော စာများသည် မိုမိုလေး၏မူပိုင်ဖြစ်ပြီး Momolay.com နှင့် Momolay Facebook စာမျက်နှာ တွင်သာ ဖတ် ရှုနိုင်ပါသည်။ အခြားမည်သည့် website နှင့် Facebook စာမျက်နှာမှာ ကူးယူဖော်ပြခြင်းမပြုပါရန် မေတ္တာရပ်ခံအပ်ပါသည်။