ကိုကျီးညို ဇာတ်ရုပ်အတွက် အညာသားတစ်ယောက်လို နေထိုင်နေတဲ့ ဒေါင်း

Posted on - Jul 11 []

Rowena

စာရေးသူ

မိန်းကလေးပရိသတ်တွေ သည်းသည်းလှုပ်ချစ်ကြတဲ့ မင်းသားချော ဒေါင်းက အခုချိန်မှာတော့ သူ့ရဲ့ ဆန်းအတက်ဆုံးအချိန်ကို ရောက်ရှိနေတာ ဖြစ်ပါတယ်။ "ပုဂံမြို့သူ" ၊ "လိပ်ပြာစံအိမ်" စတဲ့ ဇာတ်လမ်းတွေ ပြသပြီးတဲ့နောက်မှာတော့ ဒေါင်းက အားပေးသူပရိသတ် အခိုင်အမာကို ရရှိခဲ့တာ ဖြစ်ပါတယ်။ အခုလက်ရှိမှာလည်း ဒေါင်းက သူချစ်တဲ့ အနုပညာလုပ်ငန်းတွေကို ဆက်တိုက် လုပ်ကိုင်နေလျက် ရှိပါတယ်။

ဒေါင်းက လက်ရှိမှာတော့ ရေစကြိုမြို့နယ်​ ဖြုံဘူးရွာကို ရောက်ရှိနေတာပဲ ဖြစ်ပါတယ်။ မကြာခင်မှာ သူသရုပ်ဆောင်ရတော့မယ့် "ဝတ်လဲတော် ရွှေပုဆိုး တန်းထိုးလို့ကြိုမယ်" ရုပ်ရှင်ဇာတ်ကားကြီးအတွက် အခုကတည်းက ဖြုံဘူးရွာလေးမှာ နေထိုင်ရင်း ဇာတ်ကောင်စရိုက် ပီပြင်ဖို့အတွက် ရွာသူရွာသားတွေရဲ့ နေထိုင်ပုံ ဓလေ့စရိုက်တွေကို လေ့လာရင်း ပြင်ဆင်နေတာ ဖြစ်ပါတယ်။

"ဝတ်လဲတော်ရွှေပုဆိုး တန်းထိုးလို့ကြိုမယ်" ရုပ်ရှင်ဇာတ်ကားကြီးမှာ ဒေါင်းက ကိုကျီးညို ဆိုတဲ့ ဇာတ်ကောင်နေရာက သရုပ်ဆောင်ရမှာဖြစ်ပြီး ကိုကျီးညိုရဲ့ ကာရိုက်တာအရ သူရင်းငှား လှည်းသမားစတဲ့ တောင်သူအလုပ်တွေကို လေ့ကျင့်နေတာပဲ ဖြစ်ပါတယ်။

သူရင်းငှား ကိုကျီးညိုပီသဖို့ လယ်ထွန်နည်းတွေ သင်ယူနေတဲ့ ဒေါင်း

ဖြုံရွာ တောင်​သူကြီး ဦးဝင်းဌေး ဦးစိန်​ရင်​ တို့ကို နွားကြင်​အင်​ လက္ခဏာများကို မေးမြန်းနေတဲ့ ဒေါင်း

နွားလှည်းမောင်းတာကို သေသေချာချာ သင်ယူနေတဲ့ ဒေါင်း

"ဝတ်လဲတော်ရွှေပုဆိုး တန်းထိုးလို့ကြိုမယ်" ရုပ်ရှင်ဇာတ်ကားကြီးကို ဒါရိုက်တာ မီးပွားက ရိုက်ကူးပုံဖော်မှာ ဖြစ်ပြီး ဒေါင်း၊ ဝတ်မှုံရွှေရည်နဲ့ အေးဝတ်ရည်သောင်းတို့က အဓိက ပါဝင်သရုပ်ဆောင်သွားမှာ ဖြစ်ပါတယ်။ ဒေါင်းကလည်း သူသရုပ်ဆောင်မယ့် ကိုကျီးညို ကာရိုက်တာအတွက် ရိုက်ကူးရေး မစတင်ခင်ကတည်းက ကြိုးစားပြီး လေ့လာသင်ယူနေတာပဲ ဖြစ်ပါတယ်။ ဒေါင်း ကြိုးစားထားတဲ့ "ဝတ်လဲတော်ရွှေပုဆိုး တန်းထိုးလို့ကြိုမယ်" ရုပ်ရှင်ဇာတ်ကားကြီး ထွက်ရှိလာရင်လည်း အားပေးကြပါဦး ပရိသတ်ကြီးရေ။

Rowena
Source: U Phoe Swe's fb

Contents on Momolay.com are copyrighted and are not allowed to appear on any other websites or Facebook pages. Please respect our copyrights.

မိုမိုလေးမှရေးသားသော စာများသည် မိုမိုလေး၏မူပိုင်ဖြစ်ပြီး Momolay.com နှင့် Momolay Facebook စာမျက်နှာ တွင်သာ ဖတ် ရှုနိုင်ပါသည်။ အခြားမည်သည့် website နှင့် Facebook စာမျက်နှာမှာ ကူးယူဖော်ပြခြင်းမပြုပါရန် မေတ္တာရပ်ခံအပ်ပါသည်။