အခုရာသီအကုန်မှာ အလွတ်နဲ့ ရရှိနိုင်မယ့် ကမ္ဘာ့ထိပ်တန်းအဆင့် ကစားသမား အများအပြားရှိနေ

Posted on - Oct 10 []

Gunner Ksr

စာရေးသူ

ဘောလုံးတစ်ရာသီ ကုန်ဆုံးသွားတိုင်း စာချုပ်သက်တမ်းကုန်ဆုံးသွားတဲ့ ကစားသမားတွေဟာ အသင်းပြောင်းရွှေ့ဖို့ စီစဉ်ရတာဖြစ်ပါတယ်။ အလွတ်ပြောင်းရွှေ့ကြေးနဲ့ ရခဲ့လို့ အထင်သေးလို့ မရပါဘူး။ အဲဒီအလွတ်ပြောင်းရွှေ့ကြေးထဲမှာမှ ကမ္ဘာ့အဆင့်ထိပ်တန်းကစားသမားတွေလည်း အများအပြား ရှိနေတာဖြစ်ပါတယ်။ အခု ၂၀၁၉-၂၀ ရာသီအကုန်မှာလည်း အလွတ်ပြောင်းရွှေ့ကြေးနဲ့ ရနိုင်မယ့် ကမ္ဘာ့အဆင့်ထိပ်တန်းကစားသမားတွေများစွာရှိနေတာပါ။

အဲဒီလိုကစားသမားမျိုးတွေဟာ ဘယ်လောက်အထိတောင် များပြားနေသလဲဆိုရင် အသင်းနှစ်သင်းစာလောက်ကို ရှိနေတာပါ။ ဂိုးသမားနေရာမှာတော့ ဂျူဗင်တပ်ဝါရင့်ဂိုးသမားဘူဖွန်နဲ့ အသက်(၂၆) နှစ်သာရှိသေးပြီး ကြယ်ပွင့်အဖြစ် သတ်မှတ်ခံထားရတဲ့ နိုက်စ်ဂိုးသမားဝဲလ်တက်ဇ်ဘင်နီတက်ဇ်တို့က ရှိနေတာပါ။

နောက်တန်းကစားသမားတွေနေရာမှာတော့ စပါးနောက်ခံလူဗာတွန်ဂန်၊ ပီအက်စ်ဂျီနောက်ခံလူသီယာဂိုဆေးလ်ဗားနဲ့ သောမတ်မူနီယာ၊ မန်စီးတီးနောက်ခံလူဟောင်းကိုလာရော့ဗ် စတဲ့အရည်အသွေးမြင့် ထိပ်တန်းကစားသမားတွေကို ရာသီအကုန်မှာ အလွတ်နဲ့ ခေါ်ယူနိုင်မှာ ဖြစ်ပါတယ်။

ကွင်းလယ်လူတွေထဲမှာတော့ ရာသီကုန်မှာ အလွတ်နဲ့ခေါ်ယူနိုင်မယ့် ထိပ်တန်းအဆင့်ကစားသမားတွေများစွာရှိနေပါတယ်။ စပါးကွင်းလယ်လူအဲရစ်ဆင်၊ ဒေါ့မွန်ကွင်းလယ်လူဂေါ့ဇီ၊ ချဲလ်ဆီးကွင်းလယ်လူဝီလီယံ၊ ရီးရဲကွင်းလယ်လူမိုဒရစ်၊ နာပိုလီကွင်းလယ်လူကယ်လီဂျွန်တို့ဟာ အသင်းနဲ့ စာချုပ်သက်တမ်းနောက်ဆုံးနှစ်ကို ရောက်ရှိလာပြီး လက်ရှိအချိန်အထိ သက်တမ်းတိုးဖို့ အဆင်မပြေဖြစ်လျက်ရှိနေတာပါ။

တိုက်စစ်မှူးနေရာမှာတော့ ပီအက်စ်ဂျီတိုက်စစ်မှူးကာဗာနီနဲ့ နာပိုလီတိုက်စစ်မှူးမာတန့်စ်တို့ကို လာမယ့်ရာသီအကုန်မှာ အလွတ်နဲ့ ခေါ်ယူနိုင်မှာပဲ ဖြစ်ပါတယ်။ ဒီကစားသမားတွေကို ခေါ်ယူချင်တယ်ဆိုရင်တော့ လာမယ့်ဇန်န၀ါရီမှာ အကြိုသဘောတူညီမှု ရယူထားရမှာ ဖြစ်ပါတယ်။

ရာသီအကုန်မှာ အလွတ်ပြောင်းရွှေ့ကြေးနဲ့ ခေါ်ယူနိုင်မယ့် ကမ္ဘာ့ထိပ်တန်းကစားသမားများစာရင်း

Ref: Sportbible

Oz11(မိုမိုလေး)

Contents on Momolay.com are copyrighted and are not allowed to appear on any other websites or Facebook pages. Please respect our copyrights.

မိုမိုလေးမှရေးသားသော စာများသည် မိုမိုလေး၏မူပိုင်ဖြစ်ပြီး Momolay.com နှင့် Momolay Facebook စာမျက်နှာ တွင်သာ ဖတ် ရှုနိုင်ပါသည်။ အခြားမည်သည့် website နှင့် Facebook စာမျက်နှာမှာ ကူးယူဖော်ပြခြင်းမပြုပါရန် မေတ္တာရပ်ခံအပ်ပါသည်။