သွားလေသူ ရှဲဒိုးရဲ့သားလေး မျက်နှာမငယ်ရအောင် မိဘနေရာကနေ မိန်းမတောင်းရမ်းပေးခဲ့တဲ့ ကောင်းကျော်တို့ သူငယ်ချင်းတစ်စု

Posted on - Nov 4 []

Rowena

စာရေးသူ

တစ်ချိန်က ပရိသတ်တွေ ကြိုက်နှစ်သက် အားပေးခဲ့ရတဲ့ "ရွှေညီကို" အငြိမ့်အဖွဲ့ကို မှတ်မိကြဦးမယ် ထင်ပါတယ်။ "ရွှေညီကို" အငြိမ့်အဖွဲ့ဟာ ငြိမ်းချမ်း၊ ဝိုင်းချစ်၊ ကောင်းကျော်၊ ရှဲဒိုး နဲ့ ထက်ထက် တို့နဲ့ ဖွဲ့စည်းထားခဲ့ပြီး အတိုင်အဖောက်ညီညီနဲ့ ပရိသတ်တွေအတွက် ဟာဒယရွှင်ဆေး တိုက်ကျွေးခဲ့တဲ့ အဖွဲ့တစ်ဖွဲ့ ဆိုလည်း မမှားပါဘူး။ " ရွှေညီကို" အဖွဲ့ဟာ အခုဆိုရင် အဖွဲ့သားတွေကိုယ်တိုင် ကိုယ့်လုပ်ငန်းတွေနဲ့ကိုယ် တစ်သီးတစ်ခြားဖြစ်နေပြီပဲဖြစ်ပြီး အဖွဲ့ဝင်တစ်ဦးဖြစ်တဲ့ ရှဲဒိုးကတော့ ရွှေညီကိုအဖွဲ့ကိုရော ပရိသတ်တွေကိုရော အပြီးတိုင် နှုတ်ဆက်သွားတာ နှစ်ပေါင်း အတော်ကြာပြီပဲဖြစ်ပါတယ်။

ရှဲဒိုးကွယ်လွန်သွားခဲ့ပေမယ့် "ရွှေညီကို" အဖွဲ့သားတွေကတော့ ဒီနေ့ဒီအချိန်ထိ ချစ်ခင်စွာ စည်းလုံးနေကြဆဲ ဖြစ်ပါတယ်။ မနေ့က နိုဝင်ဘာလ (၃) ရက်နေ့မှာတော့ ရှဲဒိုးရဲ့ သားလေးဟာ အရွယ်ရောက်ပြီး အိမ်ထောင်ပြုဖို့အတွက် သူငယ်ချင်းဖြစ်သူ ကောင်းကျော်၊ ဝိုင်းချစ်၊ ထက်ထက်တို့က အဖေနေရာကနေ မိန်းမသွားတောင်းပေးခဲ့ကြောင်း အခုလိုပြောပြထားပါတယ်။

"သို့ တမလွန်က သူငယ်ချင်း ရှဲဒိုး... ဒီနေ့ မင်းရဲ့တစ်ဦးတည်းသောသားလေး ကောင်းဇင်ဟိန်းရဲ့ အချိန်တန်အရွယ်ရောက်လို့ သူချစ်တဲ့ ချစ်သူလေးကို စေ့စပ် တောင်းရမ်းတဲ့ ပွဲလေးကို မင်းကိုသိပ်ချစ်ခဲ့ကြတဲ့ သူငယ်ချင်း ရဲဘော်ရဲဘက်တွေ မင်းကိုယ်စား မင်းသားလေး မျက်နှာမငယ်ရအောင် သွားပြီး စေ့စပ် တောင်းရမ်းပေးခဲ့တယ်နော် သူငယ်ချင်း"

"တို့အထဲက အကိုအကြီးဆုံးဖြစ်တဲ့ ကိုငြိမ်းချမ်းကတော့ ရုတ်တရက် ဖျော်ဖြေရေးပေါ်လာလို့ မလိုက်ပါနိုင်ခဲ့ဘူးပေါ့ကွာ။ မင်းရဲ့ကိုယ်စား မင်းရဲ့ သား၊ ငါတို့ရဲ့ သား ကောင်းဇင်းဟိန်းအတွက် ငါတို့ တတ်နိုင်တာလေးတွေ လုပ်ပေးတယ်နော် သူငယ်ချင်း။ ဒီပွဲမှာ ငါတို့ မင်္ဂလာစကားပြောနေတော့ မင်းသိပ်ချစ်တဲ့ မင်းမိန်းမ သက်မွန်ညွန့် ခေါ် မလှလှညွှန့် မင်းကိုသတိရပြီး မျက်ရည်တွေ ကျနေတာမြင်ရတော့ ငါတို့ပါ မျက်ရည်မကျမိအောင် ထိန်းခဲ့ရတယ် သူငယ်ချင်းရယ်။"

" 10-11-2019 နေ့မှာ မင်းရဲ့သား မင်္ဂလာဆောင်မှာနော် သူငယ်ချင်း။ အဲ့ဒီရက်မှာ ပွဲတွေ အသီးသီးရှိနေကြလို့ ငါတို့ လာနိုင်ချင်မှ လာနိုင်မယ်သူငယ်ချင်းရေ။ မင်းကို ကြိုပြီးတောင်းပန်ပါတယ်။ သူငယ်ချင်းရယ်။ အခုလဲ ငါတို့လုပ်ပေးနိုင်တာလေးကို မရှိတော့တဲ့သူငယ်ချင်းအတွက် လုပ်ပေးလိုက်တယ်နော်သူငယ်ချင်း။"

" ရွှေညီကိုအဖွဲ့ရဲ့ ရွှေညီအမ တွေပါ ပါဝင်ပေးခဲ့တယ်နော် သူငယ်ချင်း။ တမလွန်က အချစ်ဆုံး သူငယ်ချင်း ရှဲဒို (ခ)လှမြင့် (ခ)သာကျော်(ခ)ကျော်ဆန်း ကျေနပ် ဝမ်းမြောက်ပါသူငယ်ချင်းရေ..." ဆိုပြီး လူရွှင်တော်ကြီး ကောင်းကျော်က မျှဝေထားပါတယ်။

ကောင်းကျော်၊ ဝိုင်းချစ်၊ ထက်ထက်နဲ့ ငြိမ်းချမ်းတို့ကတော့ ကွယ်လွန်သွားတဲံ ရှဲဒိုးအတွက် သူငယ်ချင်းကောင်း၊ လုပ်ဖော်ကိုင်ဖက်ကောင်း ပီသပါပေတယ်။ ရှဲဒိုးလည်း တမလွန်ကနေ ဝမ်းမြောက်နေမှာ အသေအချာပါပဲနော်။ အချိန်ပေးပြီး ဖတ်ရှုပေးတဲ့ ပရိသတ်ကြီးကို မိုမိုလေးမှ ကျေးဇူးအထူးတင်ရှိပါတယ်။

Rowena
Source: U Kaung Kyaw's fb

Contents on Momolay.com are copyrighted and are not allowed to appear on any other websites or Facebook pages. Please respect our copyrights.

မိုမိုလေးမှရေးသားသော စာများသည် မိုမိုလေး၏မူပိုင်ဖြစ်ပြီး Momolay.com နှင့် Momolay Facebook စာမျက်နှာ တွင်သာ ဖတ် ရှုနိုင်ပါသည်။ အခြားမည်သည့် website နှင့် Facebook စာမျက်နှာမှာ ကူးယူဖော်ပြခြင်းမပြုပါရန် မေတ္တာရပ်ခံအပ်ပါသည်။