တစ်ယောက်နဲ့တစ်ယောက် လူပေးမကစားခဲ့လို့ ပြောစရာဖြစ်ခဲ့ရပြန်တဲ့ မက်ဆီနဲ့ ဂရစ်ဇ်မန်းတို့ရဲ့လုပ်ရပ်

Posted on - Nov 6 []

Gunner Ksr

စာရေးသူ

ဆလားဗီးယားပရပ်စ်နဲ့ပွဲစဉ်မှာ ဂရစ်ဇ်မန်းနဲ့ မက်ဆီတို့ရဲ့ပုံစံတွေက ပရိသတ်တွေကြား ပြောစရာ ဖြစ်ခဲ့ရပြန်ပါတယ်။ ဘာစီလိုနာနဲ့ ဆလားဗီးယားပရပ်စ်တို့ ယှဉ်ပြိုင်ကစားခဲ့တဲ့ ချန်ပီယံလိဂ်ပွဲစဉ်ကတော့ ပရိသတ်တွေအတွက် စိတ်ပျက်စရာ ဖြစ်ခဲ့ရပါတယ်။ အထူးသဖြင့် ဒီပွဲစဉ်မှာ ဘာစီလိုနာရဲ့ပုံစံဟာ တကယ့်ကို စိတ်ပျက်ချင်စရာကောင်းတဲ့ စွမ်းဆောင်ရည်ကို ပြသခဲ့ပြီး အိမ်ကွင်းမှာတောင် ဆလားဗီးယားပရပ်စ်ကို အနိုင်မကစားနိုင်ခဲ့တာပါ။

မက်ဆီ၊ ဂရစ်ဇ်မန်း၊ ဒမ်ဘီလီတို့ ဦးဆောင်တဲ့ တိုက်စစ်ပိုင်းက နူးကမ့်မှာတောင် တစ်ဂိုးမှ မသွင်းနိုင်ခဲ့တာက တကယ့်ကို စိတ်ပျက်စရာပါပဲ။ ဘာစီလိုနာအသင်းဟာ ဆလားဗီးယားပရပ်စ်လို အင်းအားနည်းပါးတဲ့ အသင်းလေးကိုတောင် ကွင်းလယ်အသာစီးမရခဲ့တာ ဆိုးရွားလွန်းခဲ့ပါတယ်။

ဒ့ါအပြင် ဒီပွဲစဉ်မှာ ပရိသတ်တွေပြောစရာ ဖြစ်ခဲ့ရတာက မက်ဆီနဲ့ ဂရစ်ဇ်မန်းတို့ရဲ့ပုံစံပါ။ မက်ဆီနဲ့ ဂရစ်ဇ်မန်းတို့ရဲ့ ဆက်ဆံရေးဟာ အဆင်မပြေဘဲ အဖုအထစ်တွေရှိနေခဲ့တယ်လို့ ဒီရာသီတစ်လျှောက်လုံး သတင်းတွေ ထွက်ပေါ်ခဲ့တာပါ။

ဆလားဗီးယားနဲ့ပွဲစဉ်မှာတော့ မက်ဆီနဲ့ ဂရစ်ဇ်မန်းတို့နှစ်ယောက်ဟာ တစ်ယောက်ကို တစ်ယောက် အပြန်အလှန်ဘောလုံးပေးပို့မှု အားနည်းခဲ့ပြီး ဒါကိုပရိသတ်တွေက သတိထားမိခဲ့ကာ သူတို့နှစ်ယောက်ရဲ့ပုံစံကို မေးခွန်းထုတ်ခဲ့ကြတာပါ။

ဘာစီရဲ့တိုက်စစ်လမ်းကြောင်းကို မက်ဆီက ဦးဆောင်နေကြပါ။ ဒီပုံမှာတော့ ဂရစ်ဇ်မန်းဟာ မက်ဆီကို အသာအယာပေးလို့ရတဲ့အနေအထားမှာ သူ့ရဲ့ပြင်သစ်အသင်းဖော်ဒမ်ဘီလီကိုသာကျော်ပြီး ပေးခဲ့တာကို တွေ့ရမှာပါ။

ပုံမှန်အားဖြင့်တော့ ဒီလိုအခြေအနေမျိုးမှာ မက်ဆီဟာ ဘေးမှာပါလာတဲ့အသင်းဖော်ကိုပဲ ထိုးပေးနေကျပါ။ ဒါပေမဲ့ ဒီဖြစ်ရပ်မှာတော့ မက်ဆီဟာ ဂရစ်ဇ်မန်းကို မပေးခဲ့ဘဲ တစ်ကိုယ်ကောင်းဆန်စွာ ကန်ခဲ့ပါတယ်။ တကယ်လို့ အဲဒီမှာ ဆွာရက်ဇ်သာဆိုရင် မက်ဆီဟာ သေချာပေါက်ထိုးပေးလိမ့်မယ်လို့ ပရိသတ်တွေက ဆိုနေကြပါတယ်။

Ref: Sportbible

Oz11(မိုမိုလေး)

Contents on Momolay.com are copyrighted and are not allowed to appear on any other websites or Facebook pages. Please respect our copyrights.

မိုမိုလေးမှရေးသားသော စာများသည် မိုမိုလေး၏မူပိုင်ဖြစ်ပြီး Momolay.com နှင့် Momolay Facebook စာမျက်နှာ တွင်သာ ဖတ် ရှုနိုင်ပါသည်။ အခြားမည်သည့် website နှင့် Facebook စာမျက်နှာမှာ ကူးယူဖော်ပြခြင်းမပြုပါရန် မေတ္တာရပ်ခံအပ်ပါသည်။