အရေးပေါ်အခြေအနေတစ်ခုမှာ G Fatt ကို ကူညီခဲ့ကြတဲ့ လမ်းဘေးက ပန်းရောင်းတဲ့ကလေးတွေ

Posted on - Nov 20 []

Myint Myat

စာရေးသူ

ခံစားချက်အပြည့်နဲ့ ကိုယ်ပိုင်သံစဉ်တွေဖန်တီးပြီး ပရိသတ်တွေရဲ့အားပေးချစ်ခင်ခြင်းကို အပြည့်အဝရရှိထားတဲ့ အဆိုတော် G Fatt ကတော့ ကလေးငယ်လေးတွေကအစ အားပေးရသူတစ်ဦးပါ။ လတ်တလောမှာတော့ G Fatt က အရေးပေါ်အခြေအနေတစ်ခု ကြုံတွေ့နေရတဲ့ အချိန်မှာ လမ်းဘေးက ပန်းရောင်းတဲ့ ကလေးတွေကြောင့် ပြေလည်ခဲ့ရတဲ့အကြောင်း လူမှုကွန်ယက်မှာ ဝေမျှပေးထားတာ တွေ့ရပါတယ်။ သူ့ကိုချစ်ကြတဲ့ အဆိုပါကလေးတွေကိုတော့ G Fatt က မန္တလေးမှာပြုလုပ်မယ့် ရှိုးပွဲကိုလည်း ဖိတ်ခဲ့ပါသေးတယ်နော်။

မိုမိုလေးချစ်ပရိသတ်တွေအတွက် ပန်းရောင်းတဲ့ ကျေးဇူးရှင် ကလေးတွေကြောင့် အရေးပေါ်ကြုံတွေ့ခဲ့ရတဲ့ အခက်အခဲတစ်ခုကနေ ပြေလည်ခဲ့တဲ့ G Fatt ရဲ့အကြောင်းကို ဖော်ပြပေးလိုက်ပါတယ်နော်။

G Fatt ကတော့ "* ဖြစ်ပုံက ဒီလို * မန်းလေးက ပြန်မယ့် ည ဘက် သူငယ်ချင်းက ကားခဏပေးသုံးထားလို့ မြို့ပါတ်ပြီး ဒိုးနေတုန်း ဆီကုန်ခါနီးမို့ ဆီဝင်ထည့်တယ် သူ့ကားက 92 ထည့်ရမှာ ကိုယ်က ကိုယ့်ကားနဲ့မှားပြီး ဒီဇယ် ထည့်လိုက်မိတယ် အဲ့အထိလဲ သတိမထားမိဘူး .. ၃၅ လမ်းအတိုင်း တစ်ယောက်တည်းမောင်းလာတုန်း ၃၅ လမ်း ၆၂ ထောင့်လဲရောက်ရော ကားက မီးပွိုင့်ကြီးအလယ်မှာ ထိုးရပ်သွားပါလေရော .. စက်လဲပြန်နှိုးမရ သူငယ်ချင်းတွေဆီဖုန်းဆက်ဖို့ကလဲ ဖုန်းအားက 2 % ပဲရှိတော့တယ် လမ်းက သူများဖုန်း ငှားဆက်ဖို့ကလဲ ဘယ်သူ့ဖုန်းမှလဲအလွတ်မရ ရှိတဲ့ 2% လေးနဲ့ သူငယ်ချင်းတစ်ယောက်ဆီအသဲအသန်ဆက်တယ် သကောင့်သားက မကိုင်ဘူး နောက်ကိုင်တဲ့တစ်ယောက်ကိုကျ အဖြစ်အပျက်ကို အမြန်ပြောလိုက်ရတယ် ပြောရင်း ဖုန်းက စက်ပိတ်သွားတယ် တဖက်က ကြားသွားလား မကြားသွားလား လဲမသိ နောက်ကားတွေကလဲ ဟွန်းတွေ အသေတီးနေပြီ .အဲ့မှ စတွေ့တာတာပဲ .. မီးပွိုင့်မှာ ပန်းရောင်းတဲ့ ခလေးတွေ ဘေးနားရောက်လာတယ် ကိုကြီး Gfatt ဘာဖြစ်လို့လဲ ဘာကူညီရမလဲဧပါ့ အဲ့တာနဲ့ * နောက်ကားတွေကို ဝိုင်းပြောပေးကြပါ ကိုကြီးကားပျက်နေလို့ ကျော်သွားကြပါလို့ * ဆိုပြီး အကူအညီတောင်းတော့ သံပြိုင်အော်ကြပါလေရော*ကိုGfatt ကားပျက်နေလို့ ကျော် သွားကြပါ ကျော်သွားကြပါ * တဲ့ ကားတွေရော ဆိုင်ကယ်တွေပါ ဘေးက ဝိုင်းကြည့်သွားကြတာ ဘာလုပ်လို့ ဘာကိုင်ရမှန်းကိုမသိတော့ဘူး 😅

ခဏကြာတော့ အခြေအနေမဟန်တော့ဘူး အဲ့ခလေးလေးတွေကကားကို ဝိုင်းတွန်းပေးမယ် တဲ့ လမ်းဘေးရပ်လိုက်ပါ ဆိုပြီး ဝိုင်းတွန်းကြပါလေရော .. အဲ့တာနဲ့ ကားလဲလမ်းဘေး ရောက် သူငယ်ချင်းတွေလဲ ရောက်လာကြတယ် .. အဲ့လမ်းမဘေးမှာပဲ ကားပြင်ကြတာပေါ့ ခလေးတွေကို ကျေးဇူးတင်တဲ့အနေနဲ့ Show ပွဲလက်မှတ်တစ်ယောက်တစ်ဆောင်နဲ့ အိင်္ကျီတွေ လက်ဆောင်ပေးလိုက်တယ် . ကိုကြီးပွဲလာခဲ့ကြနော် လို့ ပြောတော့ ..ဘာပြန်ပြောတယ်မှတ်လဲ .. ^^ပန်းရောင်းတာ တစ်ရက်နားပြီး ကိုကြီးပွဲကိုလာခဲ့မယ် အပေါက်ဝ ကိုတော့ ထွက်ခေါ်ပေးနော် ^^ တဲ့ .အမှတ်တရ ညပါပဲ .. ကျေးဇူးရှင်လေးတွေလဲ နေ့တိုင်း ပန်းရောင်းကောင်းကြပါစေ 😍(ကားလာပြင်ပေးတဲ့ မန္တလာရွှေလုံးလေးလဲ ကျေးဇူးပါကွာ Lone Lone )" ဆိုပြီး ကျေးဇူးရှင် ကလေးလေးတွေကိ ကျေးဇူးတင်လွန်းစွာ လူမှုကွန်ယက်မှာ ဝေမျှပေးခဲ့တာပါနော်။

အဆိုပါကလေးတွေကတော့ G Fatt ရဲ့ပရိသတ်တွေမို့ အမှတ်တရ လက်မှတ်တွေတောင် ထိုးခိုင်းခဲ့ကြပါသေးတယ်။

အခက်အခဲကြုံနေတဲ့ နေရာမှာ ကိုယ့်ကိုအားပေးတဲ့ ပရိသတ်တွေရဲ့အကူအညီကို ရရှိခဲ့တဲ့ G Fatt ကတော့ အနုပညာရှင်တစ်ဦးအနေနဲ့ အရမ်းကို ဂုဏ်ယူနေတာပဲ ဖြစ်ပါတယ်။ အဆိုပါ ပန်းရောင်းတဲ့ ကလေးတွေကိုလည်း သူ့ရဲ့ရှိုးပွဲကို ဖိတ်ခေါ်ထားတဲ့ G Fatt ရဲ့စိတ်ဓါတ်လေးကတော့ အရမ်းကို လေးစားစရာပါပဲ။ မိုမိုလေးချစ်ပရိသတ်တွေလည်း အရမ်းကို ကူညီတတ်လွန်းတဲ့ ကလေးတွေကြောင့် ကြည်နူးပီတိဖြစ်ခဲ့ရတဲ့ G Fatt ရဲ့အဖြစ်အပျက်လေးကို အချင်းချင်း ဝေမျှပေးခဲ့ကြပါဦးနော်။

Myint Myat
Source;G Fatt's Facebook

Contents on Momolay.com are copyrighted and are not allowed to appear on any other websites or Facebook pages. Please respect our copyrights.

မိုမိုလေးမှရေးသားသော စာများသည် မိုမိုလေး၏မူပိုင်ဖြစ်ပြီး Momolay.com နှင့် Momolay Facebook စာမျက်နှာ တွင်သာ ဖတ် ရှုနိုင်ပါသည်။ အခြားမည်သည့် website နှင့် Facebook စာမျက်နှာမှာ ကူးယူဖော်ပြခြင်းမပြုပါရန် မေတ္တာရပ်ခံအပ်ပါသည်။