ဘတ်စ်ကားစောင့်တုန်း ကားတိုက်ခံရတဲ့ သားအမိသုံးယောက်ရဲ့ ရုပ်အလောင်းကို ရေဝေးပို့ဆောင်ပေးခဲ့တဲ့ ကျော်သူ

Posted on - Jan 9 []

Rowena

စာရေးသူ

မင်းသားကြီးကျော်သူက အနုပညာလောကမှာ လျှမ်းလျှမ်းတောက် အောင်မြင်ရုံသာမက သူ့ရဲ့ ပရဟိတစိတ်ဓာတ်ကြောင့်လည်း လူချစ်လူခင် ပေါများသူတစ်ဦး ဖြစ်ပါတယ်။ ကျော်သူက နာရေးကူညီမှုအသင်း (ရန်ကုန်) ကို တည်ထောင်ထားပြီး ပရဟိတလုပ်ငန်းတွေကို စွမ်းစွမ်းတမံ လုပ်ကိုင်နေတာ ဖြစ်ပါတယ်။ ကျော်သူက ဒီနေ့ အမေများနေ့မှာ သားအမိသုံးယောက်ရဲ့ ရုပ်အလောင်းကို ဂူသွင်းပေးခဲ့ရကြောင်း အခုလို ပြောပြလာပါတယ်။

"မလေးရှားနိုင်ငံတွင် ၁-၁-၂၀၂၀ ရက်နေ့က ဘုရားကျောင်းသို့လာရန်အတွက် ဘတ်စ် ကားစောင့်နေသည့် ချင်းတိုင်းရင်းသူ မိခင်ဖြစ်သူ မကျိန်ရှမ်းဟွှဲ(၃၂)နှစ်နှင့် သားဖြစ်သူ မောင်ထန်ရှမ်းစံ(၄)နှစ် သားငယ်လေး မောင်သောင်ထန်းလျှံ(၂)နှစ် တို့(၃)ဦးအား ကားကြီးတစ်စီးမှဝင်တိုက်ခဲ့ရာ"

"သုံးဦးစလုံး ကွယ်လွန် သွားသောကြောင့် ကာယကံရှင်မိသားစုဝင်များဆွေမျိုးများမှ ရန်ကုန်သို့ သယ်ဆောင်ကာ ခရစ်ယန်သုသန်တွင်ဂူသွင်းရန်ဆန္ဒရှိသောကြောင့် ယမန်နေ့က လေယာဉ်ဖြင့်သယ်ဆောင်လာကာ မြောက်ဥက္ကလာဆေးရုံသို့ ကျော်သူ|ထွန်းကိုကို|ထူးအောင်တို့သုံးဦးမှ နိဗ္ဗာန်ယာဉ်သုံးစီးဖြင့် ပို့ဆောင်ခဲ့ပြီး"

"ယနေ့(အမေများနေ့)နေ့လည်(၁:၀၀) နာရီအချိန်တွင် မြောက်ဥက္ကလာဆေးရုံမှ ရေဝေးသုသ၁န် ရှိ ခရစ်ယန်သုသ၁န်သို့ ပို့ဆောင် ဂူသွင်းမှုကိုပြုလုပ်ခဲ့ပါသည်။"

"အမေများနေ့အမှတ်တရ အဖြစ် မိခင်နှင့်သားငယ်နှစ်ဦး၏ နာရေးကိစ္စကို ကုသိုလ်ပြုဖြစ်သကဲ့သို့ ကျန်ရစ်သူခင်ပွန်း ဆွေမျိုးသားချင်းများနှင့် ထပ်တူထပ်မျှ ကျွန်တော်တို့ နာကူ(ရန်ကုန်) မှ ခံစားမိပါတော့သည်။" ဆိုပြီး ဝမ်းနည်းစွာ ပြောပြထားပါတယ်။

ကွယ်လွန်သွားတဲ့ သားအမိသုံးယောက်အတွက်ကတော့ စိတ်မကောင်းစရာပါပဲ။ သားအမိသုံးယောက်စလုံး ခရစ်တော်မှာ အေးချမ်းစွာ အနားယူနိုင်ပါစေလို့ မိုမိုလေးမှ ဆုတောင်းပေးလိုက်ပါတယ်။

Rowena
Source: Kyaw Thu's fb

Contents on Momolay.com are copyrighted and are not allowed to appear on any other websites or Facebook pages. Please respect our copyrights.

မိုမိုလေးမှရေးသားသော စာများသည် မိုမိုလေး၏မူပိုင်ဖြစ်ပြီး Momolay.com နှင့် Momolay Facebook စာမျက်နှာ တွင်သာ ဖတ် ရှုနိုင်ပါသည်။ အခြားမည်သည့် website နှင့် Facebook စာမျက်နှာမှာ ကူးယူဖော်ပြခြင်းမပြုပါရန် မေတ္တာရပ်ခံအပ်ပါသည်။