စည်ပင်ဝန်ထမ်းတွေကြောင့် အရင်းအနှီးဖျက်စီးမှုကိုခံလိုက်ရတဲ့ အသီးသည်အဘကို ကူညီပေးမယ့် Sinon Loresca

Posted on - Jan 21 []

Rowena

စာရေးသူ

မနေ့က လူမှု့ကွန်ယက် စာမျက်နှာပေါ်မှာ တက်လာတဲ့ လိမ္မော်သီးရောင်းတဲ့ အဘတစ်ယောက်ရဲ့အဖြစ်ကို အားလုံးသိပြီးသားဖြစ်မှာပါ။ အဘက ဗိုလ်ချုပ်ဈေးမှာ ဈေးရောင်းတဲ့ လမ်းဘေးဈေးသည်တစ်ဦးဖြစ်ပြီး စည်ပင်ဝန်ထမ်းတွေရဲ့ ဖမ်းဆီးချင်းခံရကာ ခံဝန်ထိုးခဲ့ရတာ ဖြစ်ပါတယ်။ ပြဿနာက အဘရဲ့ အရင်းအနှီးတွေဖြစ်တဲ့ လိမ္မော်သီးတွေကို စည်ပင်ဝန်ထမ်းတွေက တူနဲ့ထုကာဖျက်ဆီးပစ်လို့ ပြည်သူတစ်ရပ်လုံးက စိတ်မကောင်းဖြစ်နေကြတာ ဖြစ်ပါတယ်။

အဘရဲ့ အဖြစ်ကို တွေ့မြင်ရသူတိုင်းက ရင်ထုမနာဖြစ်ပြီး အဘအတွက် လိုအပ်တဲ့ အရင်းအနှီးတွေ ပြန်လည်ပေးအပ်ဖို့ ဆန္ဒရှိနေကြတာ ဖြစ်ပါတယ်။ အဲ့ဒီလိုပဲ ဖိလစ်ပိုင်မော်ဒယ် Sinon Loresca ကလည်း အဘရဲ့ဘဝဇာတ်ကြောင်းကို သူ့အနေနဲ့သိချင်ပြီး လိုအပ်တဲ့ ထောက်ပံ့မှုတွေ လုပ်ပေးချင်တယ်လို့ ပြောလာပါတယ်။

အဘရဲ့ နာမည်က ဦးသိန်းထွန်းဖြစ်ပြီး အသက် (၇၀) အရွယ်ရှိပြီ ဖြစ်ပါတယ်။ အဘရဲ့ ဇနီးက အသက် (၆၀) ဖြစ်ပြီး သားသမီးလေးယောက်ရှိတယ်လို့ သိရပါတယ်။ အဘရဲ့ အငယ်ဆုံးသမီးက မသန်မစွမ်းသူတစ်ယောက်ဖြစ်ပြီး အဘကတော့ နံနက် ၇ နာရီတိုင်း သမီးကြီးနဲ့အတူတူ ဗိုလ်ချုပ်ဈေးမှာ တစ်နေကုန် ဈေးလှည့်ရောင်းပါတယ်။

သမီးငယ်လေးနဲ့ တစ်မိသားစုလုံးစာအတွက် တစ်နေကုန်ဈေးလှည့်ရောင်းတဲ့အဘဟာ ည ၈နာရီမှ အိမ်ပြန်ရောက်ပြီး အနားရရှာပါတယ်။ စည်ပင်ဝန်ထမ်းတွေရဲ့ လုပ်ရပ်ကို အဘက သူ့ရဲ့မိသားစုတွေကို ပြန်မပြောပြပဲ သူတစ်ယောက်တည်းသာ ကြိတ်ခံစားရင်း အရင်းအနှီးပြန်ရှာနေတယ်လို့ သိရပါတယ်။

Sinon ကလည်း အဘအတွက် ကူညီချင်နေသလို မြန်မာလူမျိုးတွေကလည်း အဘရဲ့ နေရပ်လိပ်စာကို လိုက်သွားပြီး အဘအတွက် လိုအပ်တဲ့ အကူအညီတွေ ပြုလုပ်ပေးနေကြပြီ ဖြစ်ပါတယ်။

Rowena
Source: Sinon Loresca & Han Lynn Htun's fb

Contents on Momolay.com are copyrighted and are not allowed to appear on any other websites or Facebook pages. Please respect our copyrights.

မိုမိုလေးမှရေးသားသော စာများသည် မိုမိုလေး၏မူပိုင်ဖြစ်ပြီး Momolay.com နှင့် Momolay Facebook စာမျက်နှာ တွင်သာ ဖတ် ရှုနိုင်ပါသည်။ အခြားမည်သည့် website နှင့် Facebook စာမျက်နှာမှာ ကူးယူဖော်ပြခြင်းမပြုပါရန် မေတ္တာရပ်ခံအပ်ပါသည်။