လာမယ့်နွေရာသီမှာ မန်ချက်စတာယူနိုက်တက် ပစ်မှတ်ထားနေတယ်ဆိုတဲ့ ကစားသမား (၁၄) ယောက်

Posted on - Jun 16 []

Gunner Ksr

စာရေးသူ

ပရီးမီးယားလိဂ်ကလပ်မန်ချက်စတာယူနိုက်တက်ဟာ ပြီးခဲ့တဲ့အပြောင်းအရွှေ့တွေမှာ မက်ဂွဲရား၊ ဘစ်ဆာကာ၊ ဖာနန်ဒက်စ်တို့ကို ခေါ်ယူခဲ့ပါတယ်။ ယူနိုက်တက်ဟာ နည်းပြဆိုးလ်ရှားလက်ထက်မှာ အရင်လို အဆင့်မျိုး ပြန်ရောက်ဖို့ မျှော်မှန်းနေတဲ့အသင်းပါ။

ဒါကြောင့် ယူနိုက်တက်ဟာ လာမယ့်နွေရာသီအပြောင်းအရွှေ့မှာလည်း ငွေအင်းအားအလုံးအရင်း သုံးစွဲပြီး ထိပ်တန်းကစားသမားတွေကို ခေါ်ယူသွားဦးမှာပါ။ လက်ရှိမှာ ယူနိုက်တက်နဲ့ သတင်းထွက်နေတဲ့ ကစားသမား (၁၄) ယောက်အထိ ရှိနေပါတယ်။

စပါးတိုက်စစ်မှူးဟယ်ရီကိန်း၊ ဒေါ့မွန်ကြယ်ပွင့် ဆန်ချို၊ ဗီလာအသင်းခေါင်းဆောင်ဂရီးလစ်ရ်ှနဲ့ လက်စတာကွင်းလယ်လူမက်ဒီဆန်တို့ကတော့ သတင်းအထွက်ဆုံး ဖြစ်နေတာပါ။ ဒီကစားသမားတွေကတော့ ယူနိုက်တက်နဲ့ သတင်းအကျယ်ပြန့်ဆုံး ထွက်ပေါ်နေတာပါ။

ဒါ့အပြင် ဘာမင်ဂမ်ကြယ်ပွင့်ဘယ်လင်ဟမ်၊ ၀က်စ်ဟမ်းနောက်ခံလူ ဒီလန်ရိုက်၊ အေဂျက်ဇ်ကွင်းလယ်လူ ဘန်ဒီဘက်ခ်ျ၊ နယူးကာဆယ်ကြယ်ပွင့် လောင်းစတပ်ခ်ျ၊ ဒေါ့မွန်တိုက်စစ်မှူးဟာလန်း၊ လိုက်ပဇစ်တိုက်စစ်မှူးဝါနာ၊ လိုင်ယန်တိုက်စစ်မှူး ဒမ်ဘီလီ တို့ကလည်း အပြောင်းအရွှေ့သတင်းတွေထဲ ယူနိုက်တက်နဲ့ ဆက်နွယ်နေသူတွေပါ။

သူတို့ထဲက ဘယ်သူ့ကို ယူနိုက်တက်တို့ အရခေါ်ယူနိုင်မလဲ၊ လာမယ့်ရာသီသစ်မှာ အိုးထရက်ဖို့ဒ်ကို ဘယ်ကစားသမားတွေက ခြေချနိုင်မလဲဆိုတာ စိတ်ဝင်စားစရာပါပဲ။

Ref: Sportbible

Oz11(မိုမိုလေး)

Contents on Momolay.com are copyrighted and are not allowed to appear on any other websites or Facebook pages. Please respect our copyrights.

မိုမိုလေးမှရေးသားသော စာများသည် မိုမိုလေး၏မူပိုင်ဖြစ်ပြီး Momolay.com နှင့် Momolay Facebook စာမျက်နှာ တွင်သာ ဖတ် ရှုနိုင်ပါသည်။ အခြားမည်သည့် website နှင့် Facebook စာမျက်နှာမှာ ကူးယူဖော်ပြခြင်းမပြုပါရန် မေတ္တာရပ်ခံအပ်ပါသည်။